جهی نیشانەیین نەری کرنی ل دویڤ تاف و ڕیژەیان د زمانی کوردی، گۆڤەرا بەهدینیدا

چاوگ (ناڤی کاری) ب ژیدەری دروستبوونا کاری دهیتە نیاسین. کار وەکو پیکهینەکی سەرەکی و دەستهەلاتدار د ڕستەیا زمانی کوردیدا، دشیت گەلەک نیشانەیین جوداجودا وەربگریت، وەکی: ڕیژە، نەریکرن و تاف هتد. دەربارەی ڕیژەیین کاری، د زمانی کوردیدا سی ڕیژەیین کاری هەنە، یەوژی: ڕیژەیا ڕاگەهاندنی ، کو پرانیا ڕستەیین زمانی کوردی د یەڤی ڕیژەییدانە. ڕیژەیا دانانی یەو ڕیژەیە، کو یەنجامدانا کاری یان یەنجام نەدانا کاری ب دروستی دیار ناکەت، بەلکو کاری ب شیوەیی خۆزی و هیڤی و گومانی ددەتە دیارکرنی . ڕیژەیا فەرمانیژی یەو ڕیژەیە، کو یاخڤتنکەر تیدا فەرمانەکی ل گوهداری دکەت بۆ جیبەجی کرن یان جیبەجی نەکرنا کارەکی. نیشانین نەری کرنی د زمانی کوردی-گۆڤەرا بەهدینیدا ل دویڤ تاف و ڕیژەیا کاری دهیتە گوهۆڕین، د گۆڤەرا بەهدینیدا دوو نیشانەیین نەری کرنی هەنە، یەوژی: نیشانەیا نەری کرنی (نە) و (نا)یە، یەو نیشانین ڕیزمانینە، کو کاری د دوخی نەریدا دیار دکەن. نیشانا (نە) لگەل کارین بوریین ڕیژەیا ڕاگەهاندنی و ڕیژەیا دانانی دهیت و لگەل کاری نەبوریی ڕیژەیا دانانی و ڕیژەیا فەرمانیژی دهیت. نیشانا (نا) لگەل کاری نەبوریی ڕیژەیا ڕاگەهاندنی بکاردهیت. یەگەر کار سادە بت نیشانەیا نەری کرنی ل دەستپیکا کاری دهیت و یەگەر کار دارژتی یان لیکدای بت دکەڤیتە پشتی پارچا ییکییا کاری. ب تنی د تافی دهیتدا نیشانەیا نەری کرنی (نا) جهی (دی) دگریت و هەردەم ل دەستپیکا کاری دهیت.